Category: Announcements

   Bugun Viloyat hokimligi sog‘liqni saqlash boshqarmasi hamda Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filiali birgalikdagi tashabbusiga binoan Nurobod tuman tibbiyot birlashmasida ilk bor yuqori texnologik jarrohlik amaliyoti: chanoq-son bog‘imini total endoprotezlash amaliyoti bajarildi.   Chanoq-son bog‘imidagi surunkali patologiya sababli uzoq yillardan buyon aziyat chekayotgan, ammo ijtimoiy ahvolidan kelib chiqib, jarrohlik amaliyotiga mablag‘ topa olmayotgan 23 va 42 yoshli 2 nafar bemorlarga Davlat tibbiy sug‘urta tizimi mablag‘lari hisobidan Nurobod tuman tibbiyot birlashmasinig o‘zida endoprotezlash, ya‘ni, sun‘iy bo‘g‘im qo‘yish amaliyotlari o‘tkazib berildi.

Filial malakali mutaxassislari I.Napasov, K.Vaxobov hamda V.Pak birgalikdagi jamoa tomonidan mohirona amalga oshirilgan jarrohlik amaliyotlari mahalliy mutaxassislar uchun chinakam mahorat darsi vazifasini o‘tadi.

Tadbir davomida Nurobod tumani kuratori S.Meliboyev hamda Toshkent shahridan kelgan mutaxassislar tomonidan shifoxona Tug‘ruq kompleksida dunyoga kelgan chaqaloqlarni birlamchi profilaktik ko‘rikdan va Markaziy Ko‘p Tarmoqli Poliklinikaga ambulator murojaat qilib kelgan bemorlarni ixtisoslashgan tibbiy ko‘rikdan o‘tkazdilar.

RITOIATM Samarqand filiali Axborot xizmati