admin Uncategorized

Respublika travmatologiya va ortopediya tibbiyot markazi Samarqand filiali

Joriy yilning 10-iyul kuni filialning yetakchi mutaxasislaridan iborat guruh filial direktori Mamatqulov Oybek Xoliqovich boshchiligida Bulungʻur tumaniga travmatologik-ortopedik kasalliklarni erta aniqlash, aholini profilaktik tadbirlarni amalga oshirish, birlamchi tizimdagi tibbiyot xodimlariga tashkiliy metodik yordam ko’rsatish hamda » Chaqaloqlarda chanoq-son boʻgʻimi displaziyasi» bo’yicha skrining ko’riklarida ishtirok etish va tumanda xizmatni yanada yaxshilash maqsadida tashrif buyuradilar va 40 ta bemorlarni chuqurlashtirilgan tibbiy koʻrikdan oʻtkazdilar.
admin Uncategorized

Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filialiga Samarqand shahar Xalq deputatlari kengashi deputatlaridan iborat ishchi guruh tashrif buyurdi. Tashrifdan koʻzlangan maqsad, Samarqand va atrofidagi qoʻshni viloyatlari aholisiga ixtisoslashgan yetakchi muassasa faoliyati bilan tanishish, unda davolanayotgan bemorlar fikrlarini oʻrganish va shu yerda faoliyat olib borayotgan mutaxassislarning sohani rivojlantirishga doir fikr mulohazalari va takliflarini oʻrganish boʻldi. Seminar formatida oʻtgan yigʻilish davomida filial direktori Mamatqulov Oybek Xoliqovich sohani rivojlantirish borasida shu kungacha muassasada amalga oshirilgan keng koʻlamli ishlar, yoʻlga qoʻyilgan yangiliklar va qulayliklar, kelgusida amalga oshirilishi istiqboldagi rejalar borasida xisobot taqdim etdi. Deputatlar tomonidan berilgan oʻzlarini qiziqtirgan savollarga javob berildi va amalga oshirilgan ishlar ular tomonidan yuqori baholandi. Tashrif davomida deputatlar muasssada amalga oshirilayotgan ishlar, bemorlar bilan suhbat, soʻngida filial xodimlariga oʻzlarining ezgu tilaklarini tilab tashrifni yakunladilar.

admin Uncategorized

YO’L HARITASI

Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filialining sohani rivojlantisihga qaratilgan 2026-yil uchun YO’L HARITASIda ko’rsatilgan vazifalarni amalga oshirish yuzasidan markazga O’zbekiston Respublikasi Sog’liqni saqlash vazirligi huzuridagi Tibbiyot tashkilotlarini litsenziyalash va akkreditatsiyalash markazi mutaxassislari tashrif buyurishdi.
Tashrifdan ko’zda tutilgan asosiy maqsad: Markazda tibbiy hizmat ko’rsatish sifatini jahon darajasiga olib chiqishga tayyorlash, keyingi bosqichda Xalqaro nufuzli tashkilotlar akkreditatsiyasidan
ertifikatlash orqali markaz faoliyatini xalqaro darajaga olib chiqish.
 
admin Uncategorized

Республика ихтисослаштирилган травматология ва ортопедия илмий амалий тиббиёт маркази Самарқанд Филиали: Марказимизда умуртқалараро диск чурраси замонавий эндоскопик усулда даволанмоқда.

❗️Республика ихтисослаштирилган травматология ва ортопедия илмий амалий тиббиёт маркази Самарқанд Филиали: Марказимизда умуртқалараро диск чурраси замонавий эндоскопик усулда даволанмоқда.

▶️ – Бугунги кунда дунёда глобал ривожланиш заминида инсонларга яратилаётган қулайликлар ва технологияларнинг жадал ўсиши  инсонларда камҳаракатлилик, нотўғри турмуш тарзи кечиришлари ҳисобига Остеохондроз, умуртқалараро диск чурралари кенг учрамоқда ва бу бугунги кунда глобал муаммога айланиб улгурди.

➕ Марказимизда умартқалараро диск чурраларини энг замонавий эндоскопик усулда даволаш кўнг йўлга қўйилган бўлиб, ушбу амалиётни бажариш учун мутаҳассислар дунёнинг етакчи мамалакатларида ўз малакаларини ошириб келишган.
– Мисол тариқасида ўтган 2025 – йил давомида марказнинг 40 нафар мутаҳассислари Жанубий Корея, Россия Федерацияси, Хитой Халқ Республикаси, Хиндистон каби мамлакатларнинг илғор клиникаларида ўқиб қайтишди.

🖥 Бундан ташқари Марказимизда ушбу турдаги жарроҳлик амалиётларини ўтказиш учун барча замонавий асбоб-ускуналар етарли бўлиб, ҳозирги кунда АҚШ, Хитойда ишлаб чиқарилган 4 дона энг замонавий 4К эндоскоп аппаратлари ишлаб турибди.

❗️Эндоскопик дискэктомия — умуртқалараро диск чуррасини кичик кесик орқали махсус камера (эндоскоп) ёрдамида олиб ташлаш усули.

✅ Асосий афзалликлари

1️⃣ Кичик кесик (≈ 0,5–1 см)
— Катта жароҳат қолмайди
— Тери ва мушаклар кам шикастланади

2️⃣ Қон йўқотиш жуда кам
— Операция хавфи паст

3️⃣ Оғриқ камроқ
— Операциядан кейин оғриқ анча енгил бўлади

4️⃣ Тез тикланиш
— Бемор кўп ҳолларда 1–2 кунда уйига чиқади
— Ишга қайтиш одатда 2–4 ҳафтада

5️⃣ Наркоз енгилроқ
— Айрим ҳолларда маҳаллий анестезияда ҳам қилинади

6️⃣ Чандиқ (из) деярли қолмайди

⚖️ Оддий (очиқ) операцияга нисбатан устунлиги
– Мушак кесилмайди, ажратилади
– Реабилитация вақти қисқа
– Асорат улуши кам.

🦴 Умуртқалараро диск чурраси бўлмаслиги учун тавсиялар:

✅  Тўғри ҳолат (постура):
– Узоқ вақт эгилиб ўтирманг
– Белни тик тутиб ўтиринг
– Компьютер экрани кўз сатҳида бўлсин
– Ҳар 40–60 дақиқада туриб, 2–3 дақиқа юринг

✅  Оғир юкни тўғри кўтариш:
– Белни эмас, тиззани букиб кўтаринг
– Юкни танангизга яқин ушланг
– Бурилиб эмас, бутун танани буриб ҳаракат қилинг

✅ Бел мушакларини мустаҳкамлаш:
– Планка машқи
– Қорин ва бел машқлари
– Сузиш (энг фойдали спорт тури)
– Йўл-йўлакай енгил чўзилиш машқлари

✅  Вазнни назорат қилиш:
– Ортиқча вазн белга босимни оширади
– Соғлом овқатланишга амал қилинг

✅ Узоқ вақт машина ҳайдашдан сақланиш:
– Тез-тез тўхтаб, чўзилиш машқлари қилинг

✅  Чекишни ташлаш:
– Чекиш диск тўқимасининг озиқланишини ёмонлаштиради.

РИТОИАТМ Самарқанд Филиали

Матбуот ҳизмати
https://t.me/c/1428281425/1

admin Uncategorized

«Sog’liqni saqlash vaziri kubogi-2023» sport musobaqalari bo’lib o’tdi

 Bugun Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand Filialiga qarashli sport maydonida O’zbekiston Respublikasi sog’liqni saqlash vazirining tashabbusi bilan tibbiyot xodimlari o’rtasida o’tkazilayotgan sport musobaqalariga start berildi.

Musobaqaning dastlabki kunida 3-Hududdan joy olgan 4 ta viloyat davolash profilaktika muassasalari: Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filiali, Viloyat perinatal markazi, Viloyat ruhiy kasalliklar dispanseri hamda Viloyat OITSga qarshi kurashish markazi xodimlari sportning futbol, stol tennisi, shashka va shaxmat turlari bo’yicha o’zaro kuch sinashdilar.

Futbol bo’yicha 2-o’rin; stol tennisi bo’yicha 1-o’rin va shaxmat bo’yicha 1-o’rinni egallagan markazimiz xodimlari umumiy hisobda 3-Hududda 1 o’ringa sazovor bo’lishdi.

RITOIATM Samarqand filiali axborot hizmati.

admin Uncategorized

Turkiya bilan o’zaro hamkorlik memorandumi imzolandi

Joriy yilning 16-17-avgust kunlari Samaqand shahri Turkiy davlatlar tashkiloti a’zolari sog’liqni saqlash vazirlari yi’g’ilishiga va Turkiy dunyo davlatlari tibbiyot Kongressiga mehmonlik qilmoqda. «Silk Road by Minyoun» mehmonhonasida o’tayotgan ushbu tarixiy tadbir qardosh davlatlar orasidagi o’zaro yaqinlik va ishonch ruhiga tayanganligiga guvoh bo’lmoqdamiz. Tadbirning asosiy qismi sanalgan O’zbekiston-Turkiya tibbiyot forumida ikki davlat tibbiyot tizimidagi o’zaro hamkorlik, do’stlik va hamjihatlikka asoslangan memororandumlar imzolanishi va do’stlik aloqalari o’rnatilishi e’tiborga molikdir.

Shu o’rinda Respublika ixtisoslashgan travmatologiya va ortopediya ilmiy-amaliy tibbiyot markazi Samarqand filiali ham Turkiyaning jami 13 ta filialdan iborat eng katta MEMORIAL klinikalar tarmog’i bilan o’zaro hamkorlik aloqalarini o’rnatdi va Memorandum imzolandi.

Memorandumga asosan endilikda markaz hodimlari ushbu klinikalar tarmoqlarida malaka oshirishlari, o’zaro bilim va tajriba almashishlari, onlayn konsultatsiyalar tashkillashtirishlari va hamkorlikda jarrohlik amaliyotlarinin bajarishlari imkoniyatiga ega bo’ldilar.

RITOIATM Samarqand filiali axborot xizmati.

admin Uncategorized

Kattaqo’rg’on shahrida ham ilk bor chanoq-son bo’g’imi endoprotezlash amaliyoti bajarildi

Joriy hafta davomida Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filiali malakali mutaxassislari Kattaqo’rg’on shahar tibbiyot birlashmasida bo’ldilar.

Tashrif davomida Tuman tibbiyot birlashmasida davolanayotgan travmatologik – ortopedik bemorlar tibbiy ko’rikdan o’tkazildi va bemorlar va mahalliy shifokorlarga kerkali tavsiyalar berildi.
Shundan so’ng Tibbiyot birlashmasida «Chap son suyagi bo’yinchasidan sinib siljishi» tashxisi bilan yotib davolnayaotgan 72 yoshli bemorga «Chap chanoq-son bo’g’imini total endoprotezlash» jarrohlik amaliyoti o’tkazib berildi. Jarrohlik amaliyotidan so’ng bemorga qoniqarli ahvolda uyiga javob berildi.
RITOIATM Samarqand filiali har haftada ibr marotaba tuman tibbiyot birlashmalariga borib, ijtimoiy himoyaga muhtoj bemorlarni yashash joyida ko’rikdan o’tkazib, jaroohlik amaliyotini mahalliy shifokorlar bilan birgalikda amalga oshirishni davom ettirmoqdalar.

admin Uncategorized

Samarqandda Respublika travmatolog-ortopedlari jamiyatining ilmiy anjumani bo’lib o’tdi

Joriy yilning 20-may kuni Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filialida Respublika travmatolog-ortopedlari jamiyatining navbatdan tashqari ilmiy anjumani bo‘lib o‘tdi. Rahmatli ustoz Mamayusuf Rahmonqulovich Salimovning yorqin hotirasiga bag’ishlab tashkil etilgan anjumanda filialda PhD ilmiy unvoni uchun ilmiy ish yoqlash arafasida turgan 7 nafar xodim o‘zlarining dokladlari bilan ishtirok etdilar. Jami 100 dan ortiq mutaxassis kuzatib borgan yig’ilish barchada katta qiziqish bilan uyg’otdi. Anjumanni to’g’ridan-to’g’ri  ZOOM platformasi orqali online kuzatib borish imkoniyati yaratildi.

Joriy yilning 20-may kuni Respublika ixtisoslashtirilgan travmatologiya va ortopediya ilmiy-amaliy tibbiyot markazi Samarqand filialida Respublika travmatolog-ortopedlari jamiyatining navbatdan tashqari ilmiy anjumani bo‘lib o‘tdi. Anjumanda filialda PhD ilmiy unvoni uchun ilmiy ish yoqlash arafasida turgan 7 nafar xodim o‘zlarining dokladlari bilan ishtirok etdilar. Anjumanni ZOOM platformasi orqali online kuzatib borish imkoniyati yaratildi.

1 2